ԱՄՆ-ն կոչ է արել բոլոր դեսպանատներին անհապաղ վերանայել անվտանգության նկատառումները
ԱՄՆ պետդեպարտամենտը հրահանգել է ամերիկյան դիվանագիտական հաստատություններին ամբողջ աշխարհում անհապաղ անցկացնել անվտանգության գնահատումներ՝ հղում անելով «Մերձավոր Արևելքում տիրող և զարգացող իրավիճակին և հնարավոր հետևանքներին»․ գրում է The Washington Post-ը։
Նշվում է, որ նրանք պետք է գումարեն արտակարգ գործողությունների կոմիտեների (EAC) նիստեր, որոնք բազմամասնագիտական խմբեր են և նախատեսված են սպառնալիքները բացահայտելու և պլանավորելու, ինչպես նաև իրենց «անվտանգության դիրքը» վերանայելու համար։ Հեռագիրը ստորագրել է պետքարտուղար Մարկո Ռուբիոն։
ԱՄՆ-ի և Իսրայելի ռազմական արշավից ի վեր, Իրանի և նրա դաշնակիցների կողմից թիրախավորվել են բազմաթիվ ԱՄՆ դեսպանատներ, որոնց մի քանի առաքելություններ ժամանակավորապես փակվել են, իսկ ԱՄՆ անձնակազմին հրամայվել է լքել մի քանի երկիր։
Չնայած սպառնալիքների մեծ մասը կենտրոնացած է եղել Մերձավոր Արևելքում ԱՄՆ ներկայության վրա, բռնության մի քանի միջադեպեր են գրանցվել նաև այլ երկրներում, այդ թվում՝ կրակոցներ Տորոնտոյում ԱՄՆ հյուպատոսարանի դիմաց և պայթյուն Օսլոյում ԱՄՆ դեսպանատան մոտ։
Հետևեք մեզ Viber-ում
