Է հետո՞ ինչ, որ Արցախը կորցրեցինք Փաշինյանի օրոք․ Զարեհ Սինանյանի խայտառակ խոսքը (video)
Պատիժ չպիտի հասնի Նիկոլ Փաշինյանին ու մեր իշխանությանը։ Այս մասին, այսօր՝ մարտի 17–ին, ԱԺ–ում լրագրողների հետ զրույցում նշեց Սփյուռքի գործերի հանձնակատար Զարեհ Սինանյանը՝ անդրադառնալով հարցին, թե Արցախը հանձնելու, մեր երկիրը օկուպացնելու համար, ե՞րբ է պատիժը հասնելու այս իշխանությանը և Նիկոլ Փաշինյանին։
«Հետո ի՞նչ, որ դա եղել է մեր իշխանության ժամանակ։ Ես մի հասարակ օրինակ տամ. մարդը, ասենք, հարբեցող է, կլինիկական հիվանդություն ունի, լյարդի ցիրոզ է ստացել, խմում է, խմում է, վերջին վայրկյանին գալիս է մի հատ բժիշկ, ասում են փրկի կյանքը, ու բժիշկը չի կարողանում կյանքը փրկել»,–ասաց նա։
Դիտարկմանը, որ «բժիշկը» կարող էր հրաժարական տալ և ասել՝ ես չեմ կարողանում իրավիճակը փոխել, բուժել, հրաժարական եմ տալիս, հեռանում եմ, Սինանյանն արձագանքեց. «Ձեր ասածն անպատասխանատվություն է, ի՞նչ է նշանակում՝ հրաժարական տար։ նա իրավիճակը ներկայացրել է այնքանով, ինչքանով ինքը տեղյակ է եղել»։
Հետևեք մեզ Viber-ում
