Ալի Լարիջանին ուղերձով դիմել է մահմեդական երկրներին

Իրանի ազգային անվտանգության բարձրագույն խորհրդի քարտուղար Ալի Լարիջանին հայտարարել է, որ ԱՄՆ-ի և Իսրայելի գործողության մեկնարկից հետո Իսլամական պետություններից ոչ ոք օգնության չի հասել իրանական կողմին: Նրա խոսքով՝ Իսլամական աշխարհը պետք է միավորվի՝ տարածաշրջանում անվտանգությունը երաշխավորելու և արտաքին սպառնալիքներին դիմակայելու համար:

Ալի Լարիջանին վեց կետից բաղկացած նամակում ուշադրություն է հրավիրել այն հարցի վրա, որ Իրանը շարունակում է դիմադրությունը, մինչդեռ Մահմեդական կառավարությունների պահվածքը, որոնք չեն աջակցում Իրանի ժողովրդին, հակասում է իսլամի էությանը․

«Որոշ երկրներ ավելի հեռուն գնացին և հայտարարեցին՝ քանի որ Իրանը հարվածում է ամերիկյան բազաներին և ԱՄՆ-ի ու Իսրայելի շահերին այդ երկրներում, ուրեմն Իրանը մեր թշնամին է։ Միթե Իրանը պետք է ձեռքերը ծալած նստի, երբ ձեր երկրների ամերիկյան բազաներից հարվածներ են հասցվում Իրանին։ Նրանք արդարացումներ են փնտրում. այսօր այս ճակատամարտում մի կողմում ԱՄՆ-ն ու Իսրայելն են, իսկ մյուս կողմում՝ Մահմեդական Իրանը և Դիմադրության ուժերը: Որ կողմում եք»,- հայտարարել Է Ալի Լարիջանին։

Նա կոչ է արել մտածել իսլամական աշխարհի ապագայի մասին և ընդգծել՝ ԱՄՆ-ը երբեք հավատարիմ չի լինի ձեզ, իսկ Իսրայելը ձեր թշնամին է։