Ջարդել են Արցախի պետնախարարի ֆեյսբուքյան էջը և հեռացրել որոշ տեսաուղերձներ
Ջարդել են Արցախի պետնախարար Նժդեհ Իսկանդարյանի ֆեյսբուքյան էջը և հեռացրել որոշ տեսաուղերձներ։ Այս մասին ֆեյսբուքի իր էջում գրել է արցախցի փաստաբան Ռոման Երիցյանը։
«Վստահաբար հայտարարում եմ, որ տեսանյութի հեռացման հետ որևէ կապ չունեն ոչ պետնախարարը, ոչ էլ «Արցախբանկ» ՓԲ ընկերությունը։
Միաժամանակ տեղեկացնում եմ, որ այս պահին իրականացվում են բավականին գործուն քայլեր, այդ թվում՝ տարբեր ձևաչափերով հանդիպումներ, որոնք ուղղված են արցախցիների բարձրացրած խնդիրներին իրավական հարթակում լուծումներ գտնելուն։ Իրավական լուծուման ճանապարհն արդեն ունենք, սակայն այդ մասին հայտարարելը դեռևս վաղաժամ է։
Իր հերթին «Արցախբանկ» ՓԲ ընկերության ներկայացուցիչները հայտնել են իրենց պատրաստակամությունը՝ այս գործընթացին լիարժեք և անվերապահ աջակցություն ցուցաբերելու հարցում։
«Արցախբանկ» ՓԲ ընկերության ներկայացուցիչները վստահեցրել են, որ կանգնած են արցախցիների կողքին։ Հուսով ենք, որ շուտով բոլորդ կկարողանաք համոզվել այդ փաստում»,- գրել է նա։
Հետևեք մեզ Viber-ում
