Սաուդյան արքայազնները տեղափոխվել են բանտ

Սաուդյան Արաբիայի իշխանությունները կոռուպցիայի մեջ կասկածվող արքայազներին, պաշտոնյաններին ու նախկին նախարարներին  Ritz-Carlton հյուրանոցից տեղափոխել են  Էր Ռիադի հարավում գտնվող Ալ Հաիր հատուկ վտանգավորության հանցագործների համար նախատեսված բանտ։  Հաղորդում է ՏԱՍՍ-ը՝ հղում անելով Al-Araby Al-Jadeed թերթին: Բանտ են տեղափոխվել շուրջ 60 մարդ, որոնց թվում՝ սաուդյան արքայազն, միլիարդատեր ալ Վալիդ բեն Թալալը (գործող թագավոր Սալման բեն Աբդել Ազիզ Ալ Սաուդի  զարմիկը), արքայազն Թուրքի բեն Աբդալահը (նախկին թագավոր Աբդալահ բեն Աբդել Ազիզ Ալ Սաուդի (2005-2015 թթ․) որդին)։ Սաուդյան գլխավոր դատախազությունում  նշել են, որ նրանք, ովքեր չեն համաձայնի գործարքին, կկանգնեն դատարանի առաջ։

Դեռեւս պաշտոնական Էր Ռիադը չի հաստատել կամ մերժել դա։