ՀՀ ոստիկանությունն այսօր կրկնում և գերազանցում է 90-ականների բացասական ցուցանիշները՝ բոլոր առումներով․ Ասլանյան
Փաստաբան Րաֆֆի Ասլանյանը գրում է․«ՀՀ քննչական կոմիտեի հաղորդագրությունից պարզ է դառնում, որ օրեր առաջ լրագրող Սյուզի Բադոյանի հրապարակած՝ ՀՀ ոստիկանության Երևան քաղաքի վարչության օպերատիվ աշխատակցի կողմից քաղաքացու խոշտանգումը պատկերող տեսանյութի հիման վրա նախաձեռնված քրեական վարույթով քրեական հետապնդում է հարուցվել նաև դեպքը տեսագրած մյուս ոստիկանի նկատմամբ՝ պաշտոնեական լիազորություններն անցնելու մեղադրանքով, քանի որ նկարահանելու փոխարեն պարտավոր էր կանխել և հանցանքի մասին հաղորդում ներկայացնել։ Առաջին հայացքից նորմալ է, պատշաճ քրեաիրավական որակում է, բայց միայն առաջին հայացքից։ Իսկ նպատակը մեկն է՝ այսուհետ զերծ մնալ ոստիկանությունում բռնությունների մասին բարձրաձայնելուց, դրանք ամրագրելուց, հրապարակելուց, առավել ևս՝ լրագրողներին հասու դարձնելուց։
Հ.Գ.
Փաստն այն է, որ ՀՀ ոստիկանությունն այսօր կրկնում և գերազանցում է 90-ականների բացասական ցուցանիշները՝ բոլոր առումներով։ Նշվածը հնարավոր է ուղղել առաջին հերթին ոստիկանությանը քաղաքական գործընթացներից զերծ պահելու միջոցով, այլ ոչ թե ակնհայտ «ջայլամային» վարքագծով»։
Հետևեք մեզ Viber-ում
