Մերաբ Դվալիշվիլին կասկածի տակ է դրել Արման Ծառուկյանի հաղթանակը RAF 6 մրցաշարում
UFC-ի նախկին չեմպիոն Մերաբ Դվալիշվիլին անդրադարձել է ԱՄՆ-ում կայացած RAF 6 գրեփլինգի մրցաշարում հայազգի մարտիկ Արման Ծառուկյանի և ամերիկացի Ջորջիո Պուլասի աղմկահարույց գոտեմարտին։ Այս մասին գրում է armsport.am-ը։
Վրացի մարտիկը, ով մրցաշարին ներկա է եղել հանդիսականի կարգավիճակում, միջոցառումից հետո զրուցել է Պուլասի հետ և նշել, որ Ծառուկյանին չի համարում այս դիմակայության արդարացի հաղթող։
«Առաջին հերթին կցանկանայի տեսնել ձեր և Արմանի ձեռքսեղմումն ու ռևանշը։ Դուք ապտակում էիք իրար, դա զվարճալի էր, բայց ես ուզում եմ տեսնել իրական հաղթողին, քանի որ այսօր մենք նրան այդպես էլ չտեսանք։ Ես ըմբիշ չեմ, կանոններին ու մրցավարությանը լավ չեմ տիրապետում, բայց հուսով եմ՝ դուք կկազմակերպեք այդ ռևանշը»,- ասել է Դվալիշվիլին։
