Կարգապահական հանձնաժողովը միջնորդել է տույժի ենթարկել 37, աշխատանքից ազատել՝ 30 ոստիկանի

ՀՀ ոստիկանության ներքին անվտանգության վարչությունից հայտնում են, որ  2017 թվականի ընթացքում ՀՀ ոստիկանությունում հրավիրվել են ոստիկանության կարգապահական հանձնաժողովի 8 նիստեր, որոնց ընթացքում քննարկվել են ոստիկանության 38 ծառայողների վերաբերյալ իրականացված ծառայողական քննությունների 31 նյութեր /այդ թվում՝ 1 ծառայողի վերաբերյալ իրականացված ծառայողական քննության նյութերը նոր քննություն կատարելու համար ուղարկվել են ոստիկանության ներքին անվտանգության վարչություն եւ կարգապահական հանձնաժողովի կողմից քննության առնվել կրկնակի/: Նիստերի ընթացքում Հանձնաժողովը որոշել է միջնորդել ՀՀ ոստիկանության պետին ոստիկանության 37 ծառայողների նկատմամբ կիրառել հետեւյալ կարգապահական տույժերը. - 6 ծառայողների՝ «խիստ նկատողություն», - 1 ծառայողի՝ «կոչման իջեցում մեկ աստիճանով», - 30 ծառայողների` «ոստիկանությունից ազատում»: