Պայթյունից տուժած Մեծ Պարնիի գյուղապետարանի կրած վնասի չափը. նկար

Հունվարի 2-ին Լոռու մարզի Մեծ Պարնի գյուղի համայնքապետարանի շենքում գազի արտահոսքից տեղի ունեցած պայթյունի հետեւանքով շարունակվում են գյուղապետարանի բարեկարգման աշխատանքները: Այս մասին Armtimes.com-ին հայտնեց Մեծ Պարնիի գյուղապետ Գագիկ Պալյանը. «Աշխատանքներն այս պահի դրությամբ իրականացվում են գյուղապետարանի մեծ դահլիճում, ջեռուցում ենք հոսանքով, շենքի բոլոր պատուհաններն արդեն փոխվել է, մնում է միջնապատերի նորոգման աշխատանքները»,- ասաց նա, նշելով, որ մոտ օրերս արդեն իսկ մրցույթի կդրվի շենքի վերանորոգման նախագիծը: Գյուղապետը դժվարացավ կոնկրետ ասել, թե ինչքան գումարի վնաս է կրել համայնքապետարանը, փոխարենը մեկ անգամ եւս վստահեցրեց, որ որեւէ կարեւոր փաստաթուղթ չի վնասվել պայթյունի հետեւանքով: