Չհավատարմագրված ագրարային համալսարանը չունի ռազմավարական ծրագիր

Երեկ Yerkir.am-ը տեղեկացրել էր, որ Հայաստանի ազգային ագրարային համալսարանը շուրջ 1 տարի գործում է առանց պետական հավատարմագրման: Սակայն պարզվում է, որ սա դեռ վերջը չի:

Ագրարային համալսարանը չունի նաև ռազմավարական ծրագիր: Ագրարայինի վերջին ռազմավարական փաստաթուղթն, ըստ համալսարանի կայքի, ՀԱԱՀ 2020-2024թթ. ռազմավարական պլանն է:

Yerkir.am-ը ուսումնասիրել է ՀՀ պետական բուհերի փաստաթղթերը և արձանագրել է, որ բոլորն էլ ունեն ռազմավարական գործող ծրագրեր բացառությամբ ագրարային համալսարանի:

Ըստ գործող օրենսդրության՝ ռազմավարական ծրագրերի հաստատումը բուհերի հոգաբարձուների խորհուրդների գործառույթն է:

Այս առումով անգործություն է ցուցաբերել ոչ միայն համալսարանի ղեկավարությունը, ի դեմս ռեկտոր Հրաչյա Զաքոյանի, այլ նաև հոգաբարձուների խորհուրդը՝ ի դեմս խորհրդի նախագահ, կարկառուն մաթեմատիկոս Գևորգ Պապոյանի տեղակալ Արման Խոջոյանի և վաստակավոր շինարար Ժաննա Անդրեասյանի տեղակալ Արաքսյա Սվաջյանի: