Գիշերները ջրամատակարարումը դադարեցվելո՞ւ է

Մայիսի 1-ից սեպտեմբերի 16-ը Երևանի բոլոր 12 վարչական շրջանների մի շարք հասցեներում ջուրը կմատակարարվի ժամը 07:00-ից մինչև 24:00-ը։ Այս մասին հայտնել է «Վեոլիա Ջուր» ընկերությունը։

Հայտարարությունը ակտիվորեն քննարկվում է համացանցում, որոշ օգտատերեր գրել են, որ ողջ երկրում գիշերները ջրամատակարարումը դադարեցվելու է։ Այս մասով Factor TV-ն պարզաբանում է խնդրել ընկերությունից։

«Մեր կայքում դրված է, ողջ երկրի մասին չի խոսքը։ Մենք յուրաքանչյուր տարի սահմանված կարգով նոյեմբերի վերջին տասնօրյակում հրապարակում ենք հաջորդ տարվա գրաֆիկը, նույնն էլ այս տարի ենք արել։

2025 թվականի նոյեմբերին հրապարակել ենք մեր 2026 թվականի գրաֆիկը ու այդտեղից այս աղմուկը առաջացել է, չգիտենք՝ ինչի մասին է այս աղմուկը»,- փոխանցեցին ընկերությունից՝ նշելով, որ ավելի ուշ պարզաբանում կտարածեն։