Միջազգային ահաբեկիչ Խաթաբը մահացել է թույն պարունակող նամակից

Միջազգային ահաբեկիչ Խաթաբը մահացել է թույն պարունակող նամակից։ Այս մասին «Ռոսբալտ»-ին հայտնել է աղբյուրը, որն անմիջական առնչություն է ունեցել այդ իրադարձությանը։ Գրոհայինի ոչնչացումը բարդացրել է այն հանգամանքը, որ նա մշտապես փոխել է գտնվելու վայրն ու չի վստահել կապի միջոցներին։ Նա արտաքին աշխարհի հետ կապ է հաստատել նամակների օգնությամբ, որոնք շղթայաբար փոխանցվել են սուրհանդակների միջոցով, սակայն նրանցից մեկը համագործակցել է հատուկ ծառայությունների հետ ու  Խաթաբի մասին տեղեկատվություն հայտնել: 2002 թվականի մարտին նա հայտնել է Սաուդյան Արաբիայից նամակ ստանալու մասին, և հրատապ կերպով Մոսկվայից ժամանած քիմիկոսն ուժեղ ներգործող թույնով նամակ է պատրաստել։ Նամակը կնքվել է և ուղարկվել շղթայով։ Ավելի ուշ հարցաքննության ժամանակ Հաթաբի ձերբակալված թիկնապահը պատմել է, որ ահաբեկիչը ստացել է նամակը, բացել և կարդալուց հետո գցել խարույկի մեջ։ Թույնը սկել է գործել 3-րդ օրը։ Ահաբեկչի վիճակը կտրուկ վատացել է, բերանից փրփուր է դուրս թափվել, նա մահացել է մարտի 20-ին։ Նրա մահվան մասին տեղեկությունները նոր են միայն հրապարակվել: