Թոշակները կվճարեն նոր համակարգով. ինչ է սպասվում ապրիլի 1-ից
Ապրիլի 1-ից Հայաստանում բոլոր կենսաթոշակներն ու նպաստները կվճարվեն բացառապես անկանխիկ եղանակով։ Փոփոխությունը վերաբերվում է շուրջ 665 հազար շահառուի։ Մինչև մարտի 5-ը քաղաքացիները պետք է ընտրեն սպասարկող բանկը, հակառակ դեպքում ընտրությունը կկատարվի ավտոմատ։
Միասնական սոցիալական ծառայություն պետի տեղակալ Աննա Բեգլարյանի խոսքով՝ համակարգի հիմնական առավելությունը 20% քեշբեքի հնարավորությունն է։ Պաշտոնյան ընդգծում է՝ որևէ սահմանափակում չկա գումարը տնօրինելու հարցում․ քաղաքացին կարող է այն կանխիկացնել և օգտագործել ըստ ցանկության։ Տեղաշարժման խնդիր ունեցող անձանց համար նախատեսված է քարտերի տնային առաքում։
Ծրագրին միացել են չորս բանկ՝ ԱԿԲԱ բանկ, Հայէկոնոմբանկ, ԱրարատԲանկ և Արցախբանկ։
Միաժամանակ, ոչ բոլոր թոշակառուներն են դրական ընդունում փոփոխությունը․ ոմանք դժգոհում են գյուղերում անկանխիկ վճարումների դժվարություններից, կոմունալ վճարումների գործընթացից և գների բարձրությունից։ Կան նաև գոհ քաղաքացիներ, որոնք արդեն օգտվում են քարտային համակարգից և քեշբեքից։
Ապրիլի 1-ից բոլոր վճարումները կիրականացվեն միայն քարտային եղանակով։ Իշխանությունները խոսում են հավելյալ եկամտի հնարավորության մասին, մինչդեռ հանրային արձագանքը ցույց է տալիս՝ հատկապես տարեցների համար փոփոխությունը դեռ պահանջում է հարմարվելու փուլ։
Հետևեք մեզ Viber-ում
