Մահացել է Աջափնյակի կրակոցներից վիրավորներից մեկը

Օրերս Աջափնյակ վարչական շրջանի Աբելյան փողոցի 9 հասցեում կրակոցներ էին հնչել, որի հետևանքով նշված վայրից հրազենային վնասվածքներով 10 քաղաքացիներ տեղափոխվել էին Երևանի տարբեր հիվանդանոցներ, իսկ մեկ հոգի մահացել էր։

Մեր տեղեկություններով, երեկ մահացել է վիրավորներից մեկը, որը հայտնի դերասանուհի Արսինե Նավասարդյանի որդին է։ Նա վիրջին տարիներին ապրել է Մոսկվայում, նոր էր վերադարձել Հայաստան և ցանկանում էր մշտական բնակություն հաստատել այստեղ։ Ցավոք սրտի, նա ևս եղել էր կռվի կիզակետում և ստացել էր ծանր վիրավորում։

Հիշեցնենք՝ 2026թ. փետրվարի 18-ին Երևան քաղաքի Աջափնյակ վարչական շրջանի Աբելյան փողոցում հրազենի գործադրմամբ մարդ է սպանվել, իսկ 7-ը անձ ստացել հրազենային վիրավորում, որը գնահատվել է սպանության փորձ: Քննչական կոմիտեի Երևան քաղաքի քննչական վարչության ծանր հանցագործությունների քննության բաժնում նախաձեռնվել է քրեական վարույթ:

Քննչական և վարութային գործողությունների արդյունքում անհատականացվել են զինված միջադեպի մասնակից մի շարք անձինք: 11 անձի նկատմամբ հարուցվել է հանրային քրեական հետապնդում: Երևանի 40-ից ավելի հասցեներում կատարվել են միաժամանակյա խուզարկություններ: Հայտնաբերվել են քննության համար նշանակություն ունեցող իրեր, առարկաներ: