Երևանում բախվել են «Toyota Land Cruiser Prado»-ն և «Opel»-ը
Այսօր, հունվարի 7-ին, ավտովթար է տեղի ունեցել Երևանում: Ժամը 14:10-ի սահմաններում, Ավան վարչական շրջանի Բաբաջանյան փողոցում բախվել են «Opel» մակնիշի 35 GF 009 համարանիշի և «Toyota Land Cruiser Prado» մակնիշի 22 LL 333 համարանիշի ավտոմեքենաները: Ինչպես դեպքի վայրից հայտնում է Shamshyan.com-ը, բախման հետևանքով «Opel»-ը դուրս է եկել երթևեկելի գոտուց և հայտնվել մայթին՝ կանաչապատ տարածքում: Վթարի հետևանքով «Opel»-ի վարորդը մարմնական վնասվածքներով տեղափոխվել է «Սբ. Գրիգոր Լուսավորիչ» բժշկական կենտրոն: Փաստի առթիվ ՃՈ հետաքննչական բաժանմունքում նյութեր են նախապատրաստվում: Ոստիկանությունը պարզում է վարորդների ինքնությունը: Գ. Շամշյանը հայտնում է նաև, որ բախման արդյունքում «Opel»-ի հետևի ձախ կողմի անվահեծանը կոտրվել է: