Հայաստանը հետաքրքրված է հնդկական «Pralay» բալիստիկ հրթիռներով. Idrw

Հայաստանը հետաքրքրված է հնդկական «Pralay» մարտավարական բալիստիկ հրթիռներով։ Այս մասին հայտնում է հնդկական Idrw–ն, փոխանցում է Sputnik Արմենիա-ն։

Լրատվամիջոցը նշում է, որ Ադրբեջանն օգտագործում է իսրայելական «Barak-8» զենիթահրթիռային համակարգեր, որոնց մշակմանը մասնակցել է նաև Հնդկաստանը։ Հակաօդային պաշտպանության (ՀՕՊ) այդ համակարգը հաղթահարելու համար Երևանը դիտարկում է հնդկական Pralay «երկիր-երկիր» դասի հրթիռների գնման հնարավորությունը։

Սա փոքր հեռահարության հրթիռ է, որի առանցքային առանձնահատկությունը հետագծի վերջնական հատվածում մանևրելու և թռիչքի ուղղությունը փոխելու ունակությունն է, ինչը «Pralay»–ը որսալու համար չափազանց բարդ թիրախ է դարձնում նույնիսկ այնպիսի ժամանակակից համակարգերի համար, ինչպիսիք են «Barak-8»-ը կամ «С-300»-ը։

Եթե գործարքը կայանա, Հայաստանը կդառնա «Pralay» համակարգի առաջին արտասահմանյան գնորդը։

Ավելին՝ սկզբնաղբյուրում։