Իրանը մի քանի ժամով կփակի Հորմուզի նեղուցի մի մասը
Իրանը Հորմուզի նեղուցի մի մասը մի քանի ժամով կփակի զորավարժությունների ժամանակ: «Արմենպրես»-ի փոխանցմամբ՝ այս մասին հաղորդել է իրանական Fars գործակալությունը։
«Այսօր «Խելացի վերահսկողություն Հորմուզի նեղուցի նկատմամբ» (ռազմածովային) զորավարժությունների ժամանակ Հորմուզի նեղուցի առանձին շրջաններ մի քանի ժամով կփակվեն անվտանգության ու նավագնացության կանոնները պահպանելու համար», – ասվում է գործակալության հաղորդագրության մեջ:
Փետրվարի 16-ին Իրանը մեկնարկել է «Խելացի վերահսկողություն Հորմուզի նեղուցի նկատմամբ» ռազմածովային զորավարժությունները Մերձավոր Արևելքում լարվածության և տարածաշրջանում ԱՄՆ-ի ռազմական ներկայության աճի ֆոնին:
Հետևեք մեզ Viber-ում
