Ահազանգ․ կեղտաջրերը լցվում են շենքերի բակեր, սեփական տներ, անգամ ննջասենյակներ և հյուրասենյակներ

Տևական ժամանակ է Երևան քաղաքի Էրեբունի վարչական շրջանի՝ ժողովրդին հայտնի Նոր Արեշ թաղամասի 30-ից ավելի սեփական տների բնակիչներ և դրան հարակից Էրեբունի փողոցի 27, 29 շենքերի բնակիչներ չեն կարողանում ազատվել գարշահոտ ու հակասանիտարական վիճակից։

Երեկ՝ փետրվարի 6-ին, ֆոտոլրագրող Գագիկ Շամշյանի հետ զրույցում բնակիչները ասում էին, որ 3 ամսից ավելի է՝ դիտահորերից կեղտաջրերը դուրս են գալիս ու հոսում են փողոցով մեկ՝ բնակելի սեփական տների ու 5 հարկանի մի քանի շենքերի մոտով չեն կարողանում անցնել։ Էրեբունու թաղապետարանը ու համատիրությունը «մատը մատին չեն խփում», «Վեոլիա ջուր»-ն էլ ասում է աշխատանքային 10 օրվա ընթացքում կմոտենան, իսկ մինչ այդ վիճակն այնքան վատ է,որ կեղտաջրերը արդեն լցվում են սեփական տների ոչ թե բաղնիք, այլ նաև ննջասենյակներ, հյուրասենյակներ ու նկուղեր։

Մանրամասները՝ սկզբնաղբյուր կայքում