Զինված դպրոցականը կրակ է բացել ուսումնական հաստատությունում

Ռուսաստանի Ուֆա քաղաքում զինված դպրոցականը հարձակվել է ուսումնական հաստատության վրա։ «Արմենպրես»-ի հաղորդմամբ՝ այս մասին հայտնում է РЕН ТВ-ն՝ հղում անելով իր աղբյուրին։ Տեղեկատվության համաձայն՝ աշակերտն արդեն ձերբակալվել է։

«Ուֆա օնլայն»-ի աղբյուրի փոխանցմամբ՝ հարձակումը իրականացրել է 9-րդ դասարանի աշակերտը, որի մոտ եղել է օդամղիչ ատրճանակ։ Պարբերականի տվյալներով՝ սկզբում լսվել է պայթյունի նման ձայն, որից հետո դպրոցականը ներխուժել է շենք և կրակ բացել ներսում գտնվողների ուղղությամբ։ Ուժային կառույցները շրջափակել են թաղամասը, փակվել են գիմնազիայի մուտքերը։

Տարածաշրջանի ՆԳՆ-ից հայտնել են, որ միջադեպը տեղի է ունեցել Ուֆայի թիվ 16 գիմնազիայում։

Ավելին՝ սկզբնաղբյուրում։