Այս խոշտանգման ամենազարհուրելի մասը․ փաստաբաններն արձանգանքում են ոստիկանի կողմից բռնության ենթարկված քաղաքացու դեպքին

Փաստաբան Սոս Հակոբյանը, անդրադառնալով ոստիկանի կողմից քաղաքացուն բռնության ենթարկելու տարածված կադրերին, գրում է․

«Այս պատմության, այս խոշտանգման ամենազարհուրելի մասը այն է, որ վստահաբար այս դեպքը եզակի չէ, սա պրակտիկա է:

Բոլոր դեպքերում, երբ թեման չի արձանագրվում տեսախցիկներով, պատասպանատու մարմինները դրան վերաբերվում են որպես գոյություն չունեցող:

Սա քաղաքական իշխանության վարքագծի, մտածողության, կարևոր հարցերով չզբաղվելու, հակառակ հայացքներ ունեցողներին ապօրինի եղանակներով պատժելու ընդհանուր փազլի մի կտորն է միայն»։

Իսկ ահա փաստաբան Արսեն Բաբայանն այս դեպքի առթիվ գրում է․ «Չգիտեմ... Իսկապես չգիտեմ, թե ինչի սենց եղավ, ինչի սենց դարձան...»։