ԱԺ օրենքի նախագիծ են բերել՝ շատ վտանգավոր փոփոխություններով

ԱԺ-ում էսօր քննարկվելու է «Տեսալսողական մեդիայի մասին» օրենքում փոփոխություններ կատարելու վերաբերյալ օրենքի նախագիծը: Թեման գուցե հանրության մեծ մասին չի հետաքրքրում, բայց շատ վտանգավոր փոփոխություններ են ուզում անել: Մասնավորապես օրենքի 9-րդ հոդվածում ավելացնում են հետևյալ կետերը. Արգելվում է տեսալսողական հաղորդումներում՝
1) սահմանադրական կարգը բռնի տապալելու, պատերազմ քարոզելու նպատակ հետապնդող տեղեկատվություն տարածելը. ( Մինչ այժմ ոչ մի դատարան չի սահմանել, թե ինչ է սահմանադրական կարգի տապալման կոչը: Ինչ վերաբերում է պատերազմ քարոզելուն, ապա, օրինակ, եթե մեկը ասի, որ Շուշին հետ է բերելու, կդիտարկե՞ն պատերազմի քարոզ):
2) Արգելվում է օտարերկրյա տեսալսողական ծրագրերում՝ Հայաստանի Հանրապետության ներքաղաքական կյանքին միջամտության բովանդակության տարածելը: (Սա խոսքի ազատության բռնաբարություն է ուղղակի):
3) Ազգային, ռասայական, սեռային, կրոնական ատելություն բորբոքելու... տեղեկատվություն տարածելը ( Այսինքն՝ եթե մեկը ասի, որ թուրքերը ցեղասպանել են հայերին, դա կարող է դիտարկվել ազգային ատելություն բորոբոքելու դրվագ):

Սրանք հարցեր են, որոնք պետք է նախագծի հեղինակները պարզաբանեն:

Լրագրող Կորյուն Սիմոնյան