«Որևէ խուճապային տրամադրություն նկատելի չէ». Վարդան Ոսկանյան

Վարդան Ոսկանյանը ֆեսյբուքյան իր էջում գրում է. «Չնայած Իրանի Խուժաստան նահանգի որոշ քաղաքներում՝ Ահվազում, Դիզֆուլում և Շուշտարում բողոքի ցույցեր կան, բայց դրանք ընդհանուր առմամբ չեն ազդում քաղաքների առօրյա կյանքի վրա։ Ցույցերը խաղաղ են, այնքան էլ բազմամարդ չեն, սկսվում են երեկոյան և մեկ-երկու ժամից՝ ավարտվում։ Քաղաքներում հատուկ միջոցառումներ նկատելի չեն։ Կենտրոնական հրապարակնեում կան ոստիկանության ուժեղացված պարեկախմբեր՝ առանց հատուկ տեխնիկայի և միջոցների, որոնք չեն միջամտում գործընթացներին՝ իրականացնելով պասսիվ վերահսկողություն։։ Ընդհանուր առմամբ, տեսողական գնահատականով իրավիճակը կառավարելի է թվում, որևէ խուճապային տրամադրություն նկատելի չէ։ Շատերը համոզված են, որ արտասահմանյան ԶԼՄ-ներով իրավիճակի ուռճացում է տեղի ունենում՝ հատկապես Սաուդյան Արաբիայի և Իսրայելի ջանքերով»։