2018-ին ճամփորդելու համար լավագույն վայրերը. երրորդ տեղում Վրաստանն է

Աշխարհի տարբեր անկյուններում գտնվող 21 արտասովոր վայրերը, որտեղ 2018 թվականին կարող են այցելել նրանք, ովքեր նոր տպավորություններ են փնտրում։Նման ցուցակ է կազմել National Geographic պարբերականը: Առաջին տեղում է եթովպական Հարար քաղաքը՝ քաղաքում զբոսաշրջիկների փոքր թվով, 82 մզկիթների առկայությամբ, Եթովպիայի լավագույն գարեջրով, ինչպես նաև բարձրորակ սուրճով։ Ցուցակում հաջորդը Ժուժույն է՝ նահանգ Արգենտինայի հյուսիսարևմտյան մասում։ Պարբերականը խորհուրդ է տալիս այնտեղ գնալ՝ զարդարելու սոցցանցերը Cerro de los Siete Colores լեռան լուսանկարներով (7 գույն ունեցող բլուր)։ Երրորդ տեղում Թբիլիսին է։ Այնտեղ կարելի է այցելել ծծմբի վաննաների, խինկալիի և տեղի բնակիչների լեգենդար հյուրընկալության համար։ Խորհուրդ է տրվում  այցելել նաև Սիդնեյ, Օահակա (Մեքսիկա), Վիեննա, Հավայի, Մալմյո (Շվեդիա), Մադագասկար, Տանզանիայի Ռուահու ազգային պարկ և այլն։