Թրամփի վարչակազմը Իրանին հայտնել է, որ պատրաստ է բանակցությունների
Թրամփի վարչակազմը տեղեկացրել է Իրանին, որ բաց է հանդիպման համար՝ Վաշինգտոնի և Թեհրանի միջև հնարավոր գործարքը քննարկելու համար, հաղորդում է Axios-ը՝ հղում անելով ԱՄՆ բարձրաստիճան պաշտոնյային։
«Թրամփի վարչակազմը բազմաթիվ տարբերակներով Իրանին տեղեկացրել է, որ բաց է հանդիպման համար՝ գործարքի շուրջ բանակցելու համար, Axios-ին ասել է ԱՄՆ բարձրաստիճան պաշտոնյան», – հաղորդում է պորտալը։
Հրատարակության տվյալներով՝ Սպիտակ տան պաշտոնյաները նշում են, որ Թրամփը դեռևս վերջնական որոշում չի կայացրել Իրանին հարվածելու վերաբերյալ և շարունակում է բաց մնալ դիվանագիտության համար։
Թրամփը վելի վաղ հայտարարել էր, որ «հսկայական նավատորմ» է շարժվում դեպի Իրան և հույս էր հայտնել, որ Թեհրանը կհամաձայնի բանակցել «արդար և հավասար» գործարքի շուրջ, որը կենթադրի միջուկային զենքի լիակատար վերացում: Ամերիկացի առաջնորդը հիշեցրել է, որ 2025 թվականի հունիսին Միացյալ Նահանգները հարվածել է Իրանի միջուկային օբյեկտներին: Նա հայտարարել է, որ «հաջորդ հարձակումը կլինի ավելի վատ» և կոչ է արել «թույլ չտալ, որ դա տեղի ունենա»:
Հետևեք մեզ Viber-ում
