Թշնամու ցանկացած քայլ կհանդիպի ջախջախիչ պատասխանի. Խամենեիի ներկայացուցիչ
Իրանի դեմ ցանկացած ագրեսիա կվտանգի Միացյալ Նահանգների եւ նրա դաշնակիցների ամբողջ ռազմական ենթակառուցվածքը Մերձավոր Արեւելքում, որը գտնվում է իսլամական հանրապետության զինված ուժերի հասանելիության սահմաններում։ Այս մասին հայտնել է Իսլամական հեղափոխության պահապանների կորպուսում (ԻՀՊԿ, էլիտար ռազմական զորամասեր) Իրանի գերագույն առաջնորդ Ալի Խամենեիի ներկայացուցիչ Աբդալա Հաջի Սադեղին։
«Այսօր մեր հասանելիության սահմաններում է ոչ միայն մեկ բազա, այլեւ Միացյալ Նահանգների եւ նրա տարածաշրջանային վարձկանների ամբողջ ենթակառուցվածքը։ Զինված ուժերը պատրաստ են մարտի, եւ թշնամու ցանկացած քայլ կհանդիպի ջախջախիչ պատասխանի ցամաքում, ծովում եւ տարածաշրջանի բոլոր ամերիկյան բազաներում»,- նրա խոսքերը մեջբերել է IRNA գործակալությունը։
Հետևեք մեզ Viber-ում
