Ափըռ-ցըփըռ բերանները բացել են, հիմա դատարաններում գալիս, ասում են՝ քաղաքական գնահատական եմ տվել, տնից զրկե՛լ եք մարդկանց․ Բագրատ Սրբազան
«Սուրբ գիրքը, երբ խոսում է մեղքի մասին, ասում է՝ մեղքը միջավայրային է, բայց յուրաքանչյուր անհատ պատասխանատվություն է կրում այդ միջավայրի համար։ Այլ կերպ ուրիշ օրենք որևէ ձևով հնարովի չի կարող լինել սրանից դուրս։ Ի վերջո, մարդն անձնական պատասխանատվություն ունի։ Հետևաբար, այստեղ էլ քննվող յուրաքանչյուր դետալը՝ հիմնավորված 319-րդ չարչարված հոդվածով, հենց դրա մասին է խոսում»,-այս մասին դատարանում ասաց Բագրատ Սրբազանը։
Սրբազանը նաև հետաքրվեց, թե ի՞նչ է հաստատում ներկայացված այսպես ասած՝ ապացույցները։
«Այդ ապացույցներն ինչ-որ մեկի կողմից արված ուղղակի արձանագրված փաստագրություններ են, ապացույցներ չեն։ Ապացույցը չի՛ կարող կիսատ լինել, չի՛ կարող ընդհատված հատված լինել, և ասել, թե չգիտենք՝ ինչ են խոսել։ Դա ապացույց չի՛ կարող լինել։ Իսկ այս գործն իր ամբողջության մեջ հենց դրա մասին է։ Օրինակ, ի՞նչ է հաստատում կամ հերքում հունվարի 2-ի խոսակցությունը, որի մասին նշեց մեղադրող կողմը՝ անցյալ կամ նախանցյալ նիստի ընթացքում։ Ոչ մի բան չի հաստատում, բացարձակ, բայց դրա մասին խոսել է գլխավոր դատախազը։ Ի՞նչ է հաստատում իր տնից խուզարկության ժամանակ գտնված այդ իրերը, օրինակ, տխրահռչակ փաստաթուղթը ահաբեկչության մասին։ Ի՞նչ է հաստատում, օրինակ, ապացույցը ձեր ձեռքերի մեջ է, կարո՞ղ եք վկայակոչել է դրանք գտնված, ի՞նչ է հաստատում»,- շարունակեց Սրբազանը։
Չվերադառնալով փորձաքննությունների թեմային, որը Սրբազանը համարեց աբսուրդի ժանրից, միայն ընդգծեց, որ եթե գործում առկա է գեթ մեկ կեղծիք ունի, ապա այն այլևս գործ չէ։
«Ո՞ր օրը պիտք է տեղի ունենար այդ այսպես կոչված՝ ահաբեկչությունը, կա՞ որևէ տեղ, փաստ, կա՞ արձանագրություն, կա՞ վայրը։ Կարծում եմ՝ պետք է լինի օրը, ժամանակը, և պետք է լինի օբյեկտը։ Ովքե՞ր էին այդ օբյեկտը կամ ո՞վ էր օբյեկտը։ Նշում կա՞ այդպիսի բան։ Ուրեմն, քանի որ այս դատարանում այսպիսի վերաբերմունք կա այս գործի նկատմամբ մեղադրող կողմից, իրավունք է տալիս Հայաստանի Հանրապետության այսպես կոչված արտգործնախարարին, որին ես շատ լավ եմ ճանաչում, Եվրոպայի պառլամենտում խորհրդում հետևյալն է ասելու՝ «Հայաստանում հոգևորականների նկատմամբ բալանսանք չկա։ Որոշ հոգևորականներ, ժողովրդավար ճանապարհով ընտրված իշխանությանը, բռնի ձևով իշխանությունից հեռացնելու կոչեր են արել, սա բացահայտ ձևով են արել,նաև սպանության կոչեր են արել»։ Հիմա այս գործն ամբողջության մեջ բանաձևված է այս մարդու խոսքում, այս անպատասխանատու մարդու խոսքում, ևս մի զրպարտիչ, ևս մի ստախոս։ Հիմա, եթե դատարան գնանք այս խոսքի համար, կասի՝ ես քաղաքական գնահատական եմ տվել։ Եվ այդպես շարունակ․․․ խորհրդարանից բռնած մարդիկ կան, որոնք ափըռ-ցըփըռ, կներեք այս արտահայտության համար, բերանները բացել են, հիմա դատարաններում խելոք-խելոք գալիս են, ասում են՝ քաղաքական գնահատական եմ տվել»,- իր խոսքում նշեց Սրբազանը՝ շարունակելով․ «Այսպիսի վերաբերմունքի պատճառով ենք մենք հասել այս օրվան։ Մարդիկ չեն հասկանում, որ այն մարդկանց կյանքի հետ է կապված, մարդկանց կյանքին է ուղղակի առնչված։ Տնից զրկել եք մարդկանց»։
Հետևեք մեզ Viber-ում
