Հետո պարզվեց, որ մի քիչ էլ քիթն էր քաշում․ Քոչարյանը՝ Փաշինյանի թմբուկ նվագելու մասին
Ես կապիկություն չեմ անելու: Հասկանում եմ, որ սոցցանցային աշխարհում մեկ-մեկ պետք է ոչ ստանդարտ լուծումների գնալ, բայց կա մարդու տեսակ՝ որ եթե մտնում է ինչ-որ պրոցեսի մեջ, չի կարող շատ տարբերվել իր տեսակից ու իր տեսակի մեջ պետք է լավագույնը իրեն դրսևորի: Այս մասին ասուլիսի ժամանակ ասել է Ռոբերտ Քոչարյանը, անդրադառնալով՝ Նիկոլ Փաշինյանի թմբուկ նվագելու և ոչ ստանդարտ լուծումների մասին հարցին:
«Հիմա մարդ կա, որ ինչ կապիկություն ասես կարող է անել: Ֆինլանդիայում՝ ժամանակին մի սիրուն աղջիկ էր վարչապետ դարձել, «տժժում էր», հետո պարզվեց, որ մի քիչ էլ քիթն էր քաշում, հրաժարական տվեց:
Հիմա ինչի մասին է խոսքը։ Դու պետական գործիչ ես։ Այո, պետք է հումորի զգացում ունենաս ու կարողանաս քեզ դրսևորել ամեն կերպ։ Բայց երբ սկսում ես կապիկություններ անել՝ հակառակ ազդեցությունը պետք է ունենա:
Նիկոլ Փաշինյանը փորձում է իր վարկանիշը վերանորոգելու տարբեր հնարքների գնալ, իր վարկանիշը ամենից ցածրն է 18-35 տարեկանների շրջանում, ենթադրում եմ, որ «ուդառնիկություն» անելով փորձում է որոշակի ազդեցություն ունենալ վերջիններիս շրջանում»,- նշել է նա:
Հետևեք մեզ Viber-ում
