Տուգանքները կաթվածահար են անում առաքման ոլորտը Երևանում

Այսօր՝ հունվարի 28-ին, SHAMSHYAN.com էր զանգահարել Երևանի բնակիչ, «Բագա ֆուդ» ընկերության վաճառքի տնօրեն, 38-ամյա Գուրգեն Ուսեպյանը, ով իր դժգոհությունն էր հայտնում առաքման մեքենաների վարորդների նկատմամբ վերջին շրջանում կիրառվող վարչական տուգանքների վերաբերյալ։

SHAMSHYAN.com-ի թղթակցի հետ զրույցում Գ․ Ուսեպյանը նշեց, որ տարիներ շարունակ իրենց, ինչպես նաև այլ ընկերությունների առաքման մեքենաները Երևանի փողոցներում, հատկապես կենտրոնական հատվածներում, կանգնել են երկրորդ գծում՝ սրճարաններին, ռեստորաններին և հյուրանոցներին առաքումներ կատարելու նպատակով, և մինչ այժմ որևէ տուգանքի չեն ենթարկվել։ Սակայն հունվար ամսից իրավիճակը կտրուկ փոխվել է։
«Արդեն մոտ մեկ ամիս է՝ մեր վարորդների նկատմամբ սկսվել է վարչական իրավախախտումների վերաբերյալ արձանագրությունների կազմումը։ Բացի դրամական տուգանքից, յուրաքանչյուր ակտի համար հանվում է նաև 0,25 բալ միավոր, ինչի արդյունքում վարորդները մտավախություն ունեն, որ կարճ ժամանակում կարող են զրկվել վարորդական իրավունքի վկայականից»,- նշեց նա։

Գուրգեն Ուսեպյանի խոսքով՝ խնդիրը համատարած է և վերաբերում է ոչ միայն իրենց ընկերությանը։

Մանրամասները՝ սկզբնաղբյուր կայքում