Փաշինյանի ելույթն ապտակ էր զինվորականներին. Գեղամ Մանուկյան

Հայոց զինված ուժերի կազմավորման 34-ամյակին նվիրված հանդիսավոր նիստում Փաշինյանի ելույթն ապտակ էր զինվորականներին։Հայտարարել է ՀՀ ԱԺ «Հայաստան» խմբակցության պատգամավոր Գեղամ Մանուկյանը։

Մանուկյանի համոզմամբ՝ իշխանությունը փորձել է ստվերել բանակի կազմավորման օրը՝ հունվարի 27-ը հռչակելով «հանուն հայրենիքի նահատակների օր», քանի որ այս տարի բանակի օրվա կապակցությամբ չի անցկացվել ավանդական պաշտոնական պարգևատրման արարողություն, իսկ պաշտոնյաները չեն մասնակցել միջոցառումներին։

Մանուկյանի խոսքով՝ վարչապետը փաստացի ընդունել է, որ 2022 թվականի հոկտեմբերի 6-ին Պրահայում ստորագրված փաստաթղթով ճանաչել է Ադրբեջանի տարածքային ամբողջականությունը և դրանով ուրացել Արցախը, ինչի հետևանքն էլ եղել է 2023 թվականի սեպտեմբերի ագրեսիան Արցախի դեմ։