Արցախցի ընտանիքը 4 երեխաների հետ հայտնվել է դրսում. հրդեհի հետեւանքով կորցրել են ամեն ինչ
Ասկերանից բռնի տեղահանված արցախցի ընտանիքն անչափահաս 4 երեխաների հետ հայտնվել է դրսում։
NEWS.am–ի հետ զրույցում ընտանիքի հայրը՝ Արսեն Սահակյանը, պատմել է, որ հոսանքի հետեւանքով հրդեհ է բռնկվել իրենց տնակում, ինչի հետեւանքով կորցրել են ամեն ինչ՝ գույքից մինչեւ փաստաթղթեր։
«Ասկերանից դափ դատարկ դուրս ենք եկել, Արմավիրի մարզի Ջրառատ գյուղում տնակում էինք ապրում, մինչեւ մեր սերտիֆիկատով ձեռք բերված կիսակառույց շենքը կսարքենք։ Բայց հիմա ամեն ինչ կորցրինք նորից, ոսկի էինք դրել, վարկ վերցրել, որ վարպետի փողը տանք, սարքենք տունը, մեր էս տնակի գույքով գնանք ապրենք, բայց հիմա ոչինչ չունենք, էդ փողն էլ է այրվել տնակի մեջ։ Ոչ գույք ունենք, ոչ հագուստ, ոչ մի բան»,– ասաց նա:
Սահակյանները 4 անչափահաս երեխա ունեն՝ 3,4, 6 եւ 11 տարեկան։ Նրանց հետ տնակում նաեւ ազգականներն էին ապրում ու հիմա բոլորով հայտնվել են դրսում ու չգիտեն, թե որտեղ են ապրելու։
Ընտանիքի օգնելու համար կարող եք կապ հաստատել՝ 097339367 հեռախոսահամարով կամ դրամական աջակցություն ցուցաբերել այս բանկային քարտերին՝
9051215206907225/AEB/Գոհար Սահակյան
5449060081109466 Arsen Sahakyan Արցախբանկ
Հետևեք մեզ Viber-ում
