Ոսկու գնի աճը է՛լ ավելի մեծ կլինի․ ինչ են կանխատեսում փորձագետները․ Bloomberg

Goldman Sachs Group Inc.-ը բարձրացրեց ոսկու տարեվերջյան գնի իր կանխատեսումը ավելի քան 10%-ով՝ արտացոլելով ոսկու ձուլակտորների մասնավոր հատվածի դիվերսիֆիկացիայի աճը, բացի կենտրոնական բանկերի և բորսայական ֆոնդերի արդեն իսկ մեծ պահանջարկից։

Բանկը բարձրացրել է իր 2026 թվականի դեկտեմբերի գնային նպատակը մինչև 5.400 դոլար՝մեկ ունցիայի համար նախորդ 4.900 դոլար կանխատեսման համեմատ, այն ենթադրությամբ, որ մանրածախ ներդրողները, որոնք ոսկի են գնել որպես մակրոքաղաքական ռիսկերի դեմ պաշտպանություն, կպահպանեն այդ դիրքերը մինչև տարեվերջ։

Վերջին 12 ամիսների ընթացքում ոսկին աճել է ավելի քան 70%-ով՝ գերազանցելով ռեկորդը ռեկորդի հետևից՝ արագ աճով, որը շարունակվել է այս տարվա առաջին շաբաթներին։ Կապիտալը շտապում է դեպի անվտանգ ապաստարաններ՝ համաշխարհային քաղաքականությանդինամիկայի դրամատիկ փոփոխությունների և նախագահ Դոնալդ Թրամփի կողմից Դաշնային պահուստային համակարգի վրա վերսկսված հարձակումների ֆոնին, ինչը խաթարում է ԱՄՆ կենտրոնական բանկի անկախության նկատմամբ վստահությունը։

Վերլուծաբանները նշում են, որ 2026 թվականին կենտրոնական բանկերի գնումները կանխատեսվում են միջինում ամսական 60 տոննա, իսկ զարգացող շուկաների դրամավարկային մարմինները «հավանաբար կշարունակեն իրենց պաշարների կառուցվածքային դիվերսիֆիկացիան՝ դրանք վերածելով ոսկու։

Միևնույն ժամանակ, արևմտյան ETF-ների պաշարները, 2025 թվականի սկզբից ի վեր,աճել են մոտ 500 տոննայով՝ գերազանցելով միայն ԱՄՆ տոկոսադրույքների ցածր լինելու վրա հիմնված կանխատեսումները: Goldman Sachs-ը կանխատեսում է Դաշնային պահուստային համակարգի հետագա թուլացում 50 բազային կետով՝ 2026 թվականին»:

Քանի որ խոշոր տնտեսություններում դրամավարկային և հարկաբյուջետային քաղաքականության երկարաժամկետ ուղու վերաբերյալ մտահոգությունները մեծանում էին, ոսկու պահանջարկը նույնպես աջակցվում էր այսպես կոչված «պարտության գործարքներով», ներառյալ հարուստ ընտանիքների կողմից ֆիզիկական գնումները և ներդրողների կողմից գնման օպցիոնների գնումը, նշում է Գոլդմանը։

Ըստ ոլորտի փորձագետների՝ ոսկու գնի աճը է՛լ ավելի մեծ կլինի, քանի որ մասնավոր ներդրողները կարող են ավելի դիվերսիֆիկացնել իրենց ակտիվները՝ «շարունակական համաշխարհային քաղաքականության անորոշության պատճառով»։

Մեր կողմից նշենք, որ գրեթե բոլոր մասնագիտացված կառույցների անցյալ տարվա գնահատականները ավելի զգուշավոր բնույթի էին, և ոչ ոք չէր գուշակել, որ ոսկու գնի աճը կարող էր գերազանցել 70 տոկոսի սահմանները:

Իսկ դա պայմանավորված է այն հանգամանքով, որ ոչ ոք չէր կարողանում գուշակել, թե ինչ աստիճանի է փլուզվում նախկին գլոբալիստական համակարգը, որն իր հետ բերում է անկանխատեսելի աշխարհաքաղաքական ռիսկեր, ինչպիսիք են, օրինակ, Վենեսուելայի նախագահի առևանգումը, Իրանում բողոքի ալիքի բռնկվելը, կամ Թրամփի կողմից սպառնալիքները Գրենդլանդիայի նկատմամբ:

Սա է իրականությունը:

Արտակ Հակոբյան
Աղբյուրը՝ Zham.am