Այաթոլլան արդեն հազարավոր մարդկանց է uպանել և Եվրոպան նույնիսկ չի փորձել արձագանքել. Զելենսկի

Այնքան շատ խոսակցություններ էին շրջանառվում Իրանում տեղի ունեցած բողոքի ցույցերի մասին, բայց դրանք խեղդվեցին արյան մեջ, հայտարարել է Ուկրաինայի նախագահ Վլադիմիր Զելենսկին Դավոսում ելույթի ժամանակ։

«Աշխարհը բավականաչափ չի օգնել իրանցի ժողովրդին։ Այն մի կողմ է քաշվել։ Այաթոլլան արդեն հազարավոր մարդկանց է սպանել։ Եթե ռեժիմը գոյատևի, դա հստակ ազդանշան է ուղարկում յուրաքանչյուր բռնապետի. սպանեք բավականաչափ մարդկանց, և դուք կմնաք իշխանության գլուխ։ Ո՞ւմ է Եվրոպայում պետք, որ այդ ուղերձն իրականություն դառնա։ Եվ այնուամենայնիվ, Եվրոպան նույնիսկ չի փորձել տալ իր սեփական արձագանքը», – նշել է Զելենսկին։

Նա ընդգծել է, որ բոլորը սպասում են, թե ինչ կանի Ամերիկան։

«Եվ աշխարհը ոչինչ չի առաջարկում։ Եվրոպան ոչինչ չի առաջարկում և չի ցանկանում մտնել այս հարցի մեջ՝ որպես իրանցի ժողովրդի և նրանց անհրաժեշտ ժողովրդավարության կողմնակից։ Բայց երբ դուք հրաժարվում եք օգնել ազատության համար պայքարող ժողովրդին, հետևանքները վերադառնում են, և դրանք միշտ բացասական են լինում։ 2020 թվականի Բելառուսը օրինակ է։ Ոչ ոք չօգնեց իր ժողովրդին, և հիմա ռուսական «Օրեշնիկ» հրթիռները տեղակայված են Բելառուսում՝ եվրոպական մայրաքաղաքների մեծ մասի հասանելիության սահմաններում։ Դա տեղի չէր ունենա, եթե բելառուս ժողովուրդը հաղթեր 2020 թվականին։ Եվ մենք մեր եվրոպացի գործընկերներին բազմիցս ասել ենք՝ գործեք հիմա Բելառուսում այդ հրթիռների դեմ։ Հրթիռները երբեք պարզապես զարդարանք չեն։ Բայց Եվրոպան դեռևս մնում է Գրենլանդիայի ռեժիմում։ Գուցե մի օր ինչ-որ մեկը ինչ-որ բան անի», – ասել է Ուկրաինայի նախագահը։