Հայկ Մամիջանյանի դիպուկ պատասխանը՝ ՔՊ-ին պատկանող Civic.am-ին (video)
Ես ինձ կոմֆորտ զգում եմ իմ հայրենիքում, իշխանությանը պատկանող Civic.am-ի հարցին, թե 2026 թվականի ընտրություններում ՀՀԿ-ն ձևավորված դաշինքներում որտեղ իրեն կոմֆորտ կզգա՝ պատասխանեց «Պատիվ ունեմ» խմբակցության ղեկավար Հայկ Մամիջանյանը։
«Ցանկացած տեղ, ցանկացած կարգավիճակում՝ պատգամավորի, ցուցարարի։ Իմ ընկեր Նարեկ Սամսոնյանը, օրինակ, իրեն արժանապատիվ է զգում 14 օր հացադուլի ու քաղբանտարկյալի կարգավիճակում, մեր մյուս քաղբանտարկյալ ընկերներն իրենց արժանապատիվ են զգում նաև քաղբանտարկյալի կարգավիճակում»,- նշեց նա։
Մամիջանյանն ընդգծեց՝ մարդ կա ազատության մեջ է՝ նման ճոխություն իրեն թույլ տալ չի կարող։
Ինչ վերաբերում է ընտրություններում մասնակցության ֆորմատին՝ Մամիջանյանն ասաց, որ ՀՀԿ-ն հայտարարել է՝ սկսել են քննարկել մասնակցության հարցը, որևէ բան այս պահին չի կարող ասել, քանի որ քննարկումներն ընթացքի մեջ են։
«Մեզ համար սրանք ուղղակի ընտրություններ չեն, այստեղ մենք ունենք մեկ նպատակ՝ Փաշինյանի հեռացում, որը հավասարազոր է ու հոմանիշ է Հայաստանի հետագա զարգացմանն ու անվտանգությանը։ Ուստի՝ որոշումը պետք է կայացվի շատ կշռադատված»,-հավելեց «Պատիվ ունեմ» խմբակցության ղեկավարը։
Հետևեք մեզ Viber-ում
