Չեմ հավատում, որ Վահանն ինքնшսպшն է եղել, կյանքով լեցուն տղա էր․ հարևանները՝ մահացած հայտնաբերված զինվորի մասին

5 օր առաջ մահացած հայտնաբերված զինծառայող Վահան Խաչատուրի Պետրոսյանի հարևանները չեն հավատում, որ նա կարող էր ինքնասպանություն գործել։

NEWS.am-ի հետ զրույցում զինծառայողի դասղեկը՝ Հասմիկ Ասատրյանը պատմել է, որ Վահանն աշխույժ, ակտիվ, կյանքով լի, կենսուրախ երիտասարդ էր, զբաղվում էր սպորտով։

«Լուրից ցնցված էի, չէի կարողանում պատկերացնել, որ նա կարող է ինքնասպան լինել, բացառվում է, որ նա ինքնասպան լիներ։ Վահանը ուզում էր փոխել ծառայության տեսակն ու «Պատիվ ունեմ»-ով շարունակել, բնութագիր էի գրել ծնողի խնդրանքով ու այդպես էլ մնաց դարակում»։

Մահացած զինծառայողի հարևանը՝ Սուսաննա Ղազարյանն էլ ասել է, որ իր աչքի առաջ է մեծացել Վահանը ու չի հավատում, որ տղան կարող էր այդ քայլին գնալ․

«Երբ իմացա Վահանը մահացել է, վատացա, մանկությունից գիտեմ նրան։ Ասում են՝ ինքնասպանություն է, բայց ես չեմ հավատում, Վահանն էն տղան չէր, որ ինքնասպան լիներ, ինքը կյանքով լի տղա էր։ Սպաների արած գործն է։ Ամեն օր ինչքան ջահել ենք կորցնում։ Մարդ էլ խաղաղ պայմաններում զոհվի, կարգուկանոն որ լինի, այսպես չի լինի»։

Նա պատմել է, որ տղան 2 օր առաջ էր զանգել մորը: «Ծնողները հեռախոսով էին կարդացել անուն-ազգանունը, մինչև Քննչականից զանգել էին»։