Թող ամեն մեկը կենտրոնանա իր աշխատանքի վրա․ Միրզոյանի պատասխանը Լավրովին

ՀՀ արտգործնախարար Արարատ Միրզոյանը չի ցանկացել մեկնաբանել ՌԴ արտգործնախարար Սերգեյ Լավրովի՝ Հայաստանում քաղաքական հայացքների համար հետապնդման մասին տեղեկությունը։

Այնուհետև, նա ասել է, որ իր հարգարժան գործընկերոջ տեղեկությունը կեղծ է, և Հայաստանում նման հիմքերով քրեական հետապնդում չի իրականացվում։

Ըստ նրա՝ քրեական հետապնդում կարող է իրականացվել, եթե քաղաքական հայտարարությունները պարունակում են ինքնիշխանության, տարածքային ամբողջականության կամ սահմանադրական կարգի տապալման սպառնալիք։ «Բայց նույնիսկ եթե այդպես լիներ, դրա մասին մեկնաբանելը կնշանակեր միջամտություն ՀՀ գործերին։ Թող ամեն մեկը կենտրոնանա իր աշխատանքի վրա»,- հայտարարել է Միրզոյանը։