Փաշինյանն ակնարկով հիշեցրել է

ՀՀ արտաքին հետախուզության ծառայությունը Հայաստանի և Ադրբեջանի միջև ռազմական էսկալացիայի հնարավորությունը գնահատում է որպես «գրեթե անհնար»։ 

Մեկնաբանելով Ադրբեջանի ռազմական ծախսերի աճի հարցը, ՀՀ վարչապետ Նիկոլ Փաշինյանը, ակնարկով հիշեցրել է ԽՍՀՄ փլուզման մասին՝ տեղի ունեցածը որակելով որպես սպառազինությունների մրցավազքին չմտածված մասնակցության հետևանք։ Նրա խոսքով՝ Հայաստանն ընթանում է այլ ճանապարհով՝ համակարգված և հաջող կերպով համալրելով սպառազինությունը։

Նրա խոսքով՝ ինչ վերաբերում է խաղաղության հետագա ամրապնդմանն ու դրա ինստիտուցիոնալացմանը, ապա դիվանագիտական աշխատանքները շարունակվում են։ Վարչապետն առաջարկել է արձանագրել անցած ժամանակահատվածում հարաբերություններում մթնոլորտի արդեն իսկ տեղի ունեցած փոփոխությունը՝ սկսած կողմերի հռետորաբանությունից։