Երկու օր մտածելու ժամանակ են տվել, այլապես պիտի եկեղեցին ազատեն. Տեր Աբրահամը` ճնշումների մասին

Այսօր այցելություններ եղել են Արարատի շրջան, Վեդիի շրջան, մեկ-երկու դեպք էլ՝ Արտաշատի շրջանում է եղել: Քահանաներն սացին, որ իրենց համայնքի ղեկավարները կամ համայնքապետարանի, գյուղապետարանի աշխատակիցներն են մոտեցել, որ իրենց ծառայությունը բերեն ոչ թե Վեհափառի կողմից հաստատված նոր առաջնորդի հետ, այլ նախկին առաջնորդի: Քահանաները մեծամասամբ, կարծում եմ, մերժել են, քանի որ մեր եկեղեցին հստակ կանոնակարգով է առաջնորդվում: Վեհափառը ազատ է որևէ մի հոգևորականի կամ առաջնորդի նշանակել կամ ետ կանչել այլ ծառայության:
Այս մասին News.am—ի հետ զրույցում ասել է Տեր Աբրահամը։

«Մեր քահանաներից մեկն ասում էր, որ իրենց ասել են՝ երկու օր ժամանակ ունես մտածելու, հակառակ դեպքում՝ պիտի գործից ազատվես կամ եկեղեցին պիտի ազատես: Նման մոտեցումներ են դրսևորել, ոմանք սիրաշահելով, ոմանք մի փոքր ավելի հորդորական ոճով, բայց մեր քահանաները հավատարիմ են մեր սուրբ եկեղեցու կանոնադրությանը»,– նշել է նա։