2017-ի ամենաաղմկահարույց նախագծերը/տեսաշար/

Անցնող տարին քաղաքական իրադարձություններով հագեցած տարի էր, ոչ միայն այն պատճառով, որ Հայաստանում խորհրդարանական եւ Երեւանի ավագանու ընտրություններ տեղի ունեցան, այլ նրանով, որ կառավարման նոր մոդել է ընտրվել ու անցում ենք կատարել խորհրդարանական կառավարման համակարգին, դրանից բացի Հայաստանի արտաքին քաղաքականության վեկտորում որոշակի շեղումը դեպի ԵՄ՝ ի դեմս շրջանակային համաձայնագրի ստորագրում: Այս իրողությունները որոշակի պահանջներ թելադրեցինք մեր երկրի ներքաղաքական կյանքում, ընդհուպ աղմկահարույց, հայու գենին չհամապատասխանող օրենքների ընդունում: Անցնող տարին հիշարժան էր նաեւ աղմկահարույց օրինագծերով, որոնցից ոմանք ընդունվեցին ի հակադրություն հանրային հզոր ըմբոստության, ոմանք իշխող մեծամասնության շնորհիվ տապալվեցին, չնայած որ ակնհայտ բարելավումներ կարող էին մտցնել մեր կյանքում: Բոլոր դեպքերում իշխանությունը խորհրդարանական մեծամասնությամբ կյանքի կոչեց այն ամենն, ինչը ենթադրում է իր շահը: Մենք կառանձնացնեք ամենաշատ աղմուկ հանած նախագծերը, որոնք ոչ միայն քաղաքական, այլ հասարակական մեծ հնչեղություն ստացան: Նկատենք, սակայն, որ իշխանության ընդունած ամենագեղեցիկ ու բարի թվացող օրենքում միեւնույն է կարելի է փնտրել ու գտնել այն կետը, որտեղ փորձում են մեզ քցել: Այսպիսով՝ տարվա ամենատխրահռչակ օրինագծի տիտղոսին բնականաբար արժանացել է ակադեմիական տարկետման վերացման անվանումը ստացած փաթեթը: Պաշտպանության նախարարի Ազգ-բանակ կոնցեպցիայից բխող այս նախագծի շուրջ կրքերն այնքան շիկացան, որ ուսանողները մի քանի օր դասադուլ ու հացադուլ հայտարարեցին: Զվեշտն այն է, որ պաշտպանության նախարարի տարտամ լոզունգը, թե Հայաստանում պետք է ծառայեն անխտիր բոլորը, կյանքի կոչելու փորձոր արեցին անգամ դասալիք իշխանականները, կամ նրանք, որոնց իրենց զավակներին ազատել են ծառայությունից: Ի վերջո, օրենքն ընդունվեց: Աղմուկ բարձրացրած հաջորդ նախագիծը Ընտանեկան բռնության մասին բազմաչարչար նախագիծն էր, որը թեժ քննարկումներից հետո ընդունվեց Ազգային ժողովում: Հայու գենի ու ավանդական արժեքների ջատագովները, որոնք օրենքը մարտահրավեր էին ընդունել որպես այդ գենի բնաջնջման, հայկական ավանդական ընտանիքի քայքայման հարցում, կարողացան հասնել նրան, որ նախնական նախագիծը արմատապես փոփոխության ենթարկվի, կլորացվեն սուր անկյունները, կռտվեն ոչ հայեցի դրույթներն ու այլն: Փոխվեց անգամ վերնագիրը եւ դարձավ ավելի խաղաղասիրական՝ «Ընտանիքում բռնության կանխարգելման, ընտանիքում բռնության ենթարկված անձանց պաշտպանության եւ ընտանիքում համերաշխության վերականգնման մասին»։ Բայց միեւնույն է, այս երկար ու ձիգ ոդիսականն էլ չհամոզեց ԱԺ որոշ պատգամավորներին, որոնք սկզբից մինչեւ վերջ ոտքերը «գազին» դրած դատափետեցին օրինագիծը։ Իսկ այն ընդունելը պարտադիր էր, քանի որ ԵՄ կառույցները մեծ գումարներ էին դրա դիմաց ընդունել: Մյուս հիշարժան օրենքը «Կոռուպցիայի դեմ պայքարի հանձնաժողովի մասին» օրենքում և հարակից օրենքներում փոփոխություններ կատարելու մասին օրինագիծն է, որին աջակցություն հայտնեցին խորհրդարանի թե իշխանականները, թե ընդդիմադիրները:Սա առավել հայտնի դարձած <<գործ տվողի>> ինստիտուտի ՝ ազդարարի ներդրման մասին նախագիծն է, որի քննարկման հիմնական պատճատը այդ ինստիտուտի մասին պատգամավորների անհավանական մեկնաբանություններն ու բացատրություններն էին: Կարեւոր էր նաեւ Ելք-ի կողմից ներկայացված ԵԱՏՄ-ին անդամակցությունը դադարեցնելու մասին նախագիծը, որը խորհրդարանում մի քանի ատյան քննարկումներից հետո այդպես էլ չմտավ մեծ օրակարգ, եթե հանկարծ իշխանությունը կամք դրսեւորեր ընդունելու այս օրենքը, ապա դա հեղափոխություն կառաջացներ ոչ միայն Հայաստանում, այլ տարածաշրջանում: Տխրահռչակ համաձայնագրերից էր նաեւ Ռուսաստանից 100 միլիոն դոլար վարկ վերցնելու նախագիծը։ Ըստ համաձայնագրի, վարկը օգտագործվելու է Ռուսաստանից ժամանակակից սպառազինություն և զինտեխնիկա ձեռք բերելու նպատակով։ Հայկական կողմը վարկը օգտագործելու է 2018-2022 թվականների ընթացքում։ Մարումը հայկական կողմը պետք է կատարի 15 տարվա ընթացքում՝ սկսած 2023 թվականից տարեկան 3 տոկոս տոկոսադրույքով։   Պատրաստեց՝Անի Սահակյանը