Ինչից է լարվել Փաշինյանը

Ընդհանուր առմամբ երկրում բժշկական ծառայությունների մոտ 30% ն որ ծածկվում է առողջության ապահովագրության համակարգի կողմից, բայց ամենաշատ պահանջարկ ունեցող 30%։ Այս մասին, այսօր՝ հունվարի 15–ին, կառավարության նիստում հայտարարեց վարչապետ Նիկոլ Փաշինյանը։

«Մենք այս ընթացքում լրատվամիջոցները սոցիալական ցանցերը մոնիտորինգի ենթարկո՞ւմ ենք, որ այնտեղ, որտեղ կա ռացիոնալ և հիմնավորված քննադատություն, որպեսզի հատ–հատ դուրս բերենք և ամեն ինչի հետևից գնանք։

Նախորդ օրը, օրինակ, ինձ լարեց այն, որ ես փոխվարչապետի նամակը տեսա, կապված անձամբ իր տեսած դեղատանը իրավիճակի հետ։ Ինձ ամենաշատը լարում է այն, որ մինչև անձամբ մեզնից որևէ մեկը չի առնչվում, այդ ինֆորմացիան ինստիտուցիոնալ չի գալիս մեզ հասնում։ Ես երեկ այդ նամակը կարդալուց հետո մտածեցի, որ մենք գուցե կամավորների խմբեր ձևավորենք, որոնք մեր հանձնարարությամբ տարբեր ուղղություններով գնան և մեզ համար ինֆորմացիա հավաքեն, բերեն։

Ի՞նչ կլինի, որ մի քանի կամավորների խմբեր ձևավորենք, մի խմբին ուղղորդենք, թող գնան դեղատներում մոնիտորինգ անեն, մյուս խմբին առողջապահական առաջնային օղակում մոնիտորինգ անեն, մյուսին բժշկական կենտրոններում մոնիտորինգ անե պատահականության սկզբունքով։ Օրինակ իմ մտքով էլ է անցնում, ասում եմ՝ մի օր մտնեմ դեղատուն կամ պոլիկլինիկա, բայց դա պետք է ինստիտուցիոնալ դարձնել:

Փոխվարչապետը նկարագրել էր, թե ապահովագրության խողովակով դեղ ձեռք բերելու համար դեղատուն մտած մարդը ինչքան ժամանակ է կորցնում. է՛լ փաստաթղթեր, է՛լ տեղեկանքներ. մի հատ պրինտ արեք, քսերոքս: Ես չէի լսել դա: Այսինքն՝ նշանակում է, որ մենք ինչքան էլ ունենք հաղորդակցության ուղիներ, բաներ կան, որ չեն հասնում մեզ, ուրեմն պետք է կամավորների խումբ ունենալ. չեմ ասում՝ հազարավոր մարդկանցից բաղկացած. կարող են 20-30 հոգի լինել. մի քանիսը՝ Երևանում, մի քանիսը՝ մարզերում: Չեմ կարծում, որ դա մեծ ջանք կպահանջի»,–ասաց Փաշինյանը։