Վանաձորի քաղաքապետարանում պաշտոնյաներն իրենց զավակներին են աշխատանքի տեղավորում

Վանաձորի քաղաքապետարանից գրավոր հարցմամբ խնդրել էինք տրամադրել քաղաքապետարանի աշխատակիցների ամբողջական ցանկը՝ ներառյալ տեխնիկական և սպասարկման անձնակազմը՝ զբաղեցրած հաստիքներով ու դրույքաչափերով: Հարցումը, բնականաբար, թողնվել է անպատասխան:

Քաղաքապետարանի աշխատակիցներից մեկը, օրինակ, Լոռու նախկին մարզպետ, այժմ վարչապետի խորհրդական Արամ Խաչատրյանի դուստր Աննա Խաչատրյանն է, որը 2023 թվականին Վանաձորի քաղաքապետարանից ստացել է 1,021,834 ՀՀ դրամ, իսկ 2024 թվականին՝ 1,639,129 ՀՀ դրամ՝ որպես աշխատանքի վարձատրություն:

Քաղաքապետարանի մեկ այլ աշխատակից է եղել Վանաձոր համայնքի ղեկավարի պաշտոնակատար Արկադի Փելեշյանի որդին՝ Լևոն Փելեշյանը, որը 2021 թվականին է գումար ստացել Վանաձորի քաղաքապետարանից՝ 714,323 ՀՀ դրամ` որպես աշխատանքի վարձատրություն: Այդ ժամանակ Արկադի Փելեշյանը քաղաքապետարանում համայնքապետի տեղակալի պաշտոնն էր զբաղեցնում:
(քաղաքապետարանից վարձատրությունների չափը վերցված է Կոռուպցիայի կանխարգելման հանձնաժողովի կայքից):

oragir.news