Գիշերը մոլորակների արեգակնային շքերթ է սպասվում, որը հաջորդ անգամ տեղի կունենա 23-րդ դարում

2026 թվականի հունվարի 6-7-ի գիշերը սպասվող մոլորակների արեգակնային շքերթ, որ հաջորդ անգամ տեղի կունենա միայն 23-րդ դարում․ ֆեյսբուքյան իր էջում գրել է «Հիդրոօդերևութաբանության և մոնիթորիգի կենտրոնի» տնօրեն Լևոն Ազիզյանը։

Այդ պահին Արեգակը, Վեներան և Մարսը իրենց ուղեծրային շարժման արդյունքում կդասավորվեն մեկ գծի վրա՝ այդ մասին հայտնում է Տիեզերական հետազոտությունների ինստիտուտի և Ռուսաստանի գիտությունների ակադեմիայի Արեգակնային-երկրային ֆիզիկայի ինստիտուտի արեգակնային աստղագիտության համատեղ լաբորատորիայի մամուլի ծառայությունը:

Երկրից դիտելիս Արեգակը և երկու ամենամոտ մոլորակները կհամընկնեն գրեթե նույն կետում: Հենց այս համադրությունն է, որ մասնագետները փոխաբերական իմաստով համեմատում են Բեթղեհեմի աստղի հետ։

Հունվարի 6-ին և 7-ին մոլորակների և Արեգակի միջև անկյունային հեռավորությունը կկազմի մոտավորապես 1.2 աստիճան: Հունվարի 8-ին այս հեռավորությունը կնվազի մինչև 1 աստիճանից պակաս: Մոլորակների նմանատիպ մոտեցումներ Արեգակին մեկ աստիճանից ավելի մոտ վերջին 500 տարվա ընթացքում գրանցվել են ընդամենը երեք անգամ՝ 1669, 1682 և 1968 թվականներին:

Ընթացիկ հազարամյակում այս երևույթը կարելի է դիտարկել հազար տարվա ընթացքում ընդամենը երեք անգամ 2267 թվականի հունիսին, 2324 թվականի դեկտեմբերին և վերջապես 2623 թվականի դեկտեմբերին (չհաշված այս տարվա մոտեցումը) Մեկ այլ մոտ, բայց 1 աստիճանից ավելի միավորում դիտվել է համեմատաբար վերջերս՝ 2006 թվականի հոկտեմբերին:

Փորձագետները ընդգծում են, որ նման իրադարձության որոշակի օրացուցային օրվա (այս դեպքում՝ ուղղափառ եկեղեցու Սուրբ Ծննդյան) հետ համընկնելու հավանականությունը չափազանց ցածր է՝ մոտավորապես յուրաքանչյուր 20 հազար տարին մեկ: