Տավուշում վախի մթնոլորտ կա, մարդիկ իրենց քաղաքական հայացքները ցույց չեն տալիս, որ «հետևներից չգնան»
2026թ-ը պիտի դառնա ընդդիմության համախմբման տարի, որ ժողովրդի կոնսոլիդացիան հնարավոր լինի: 24News-ի հետ զրույցում նման կարծիք հայտնեց ԱԺ «Հայաստան» խմբակցության պատգամավոր Գառնիկ Դանիելյանը՝ ընգծելով, որ մարդիկ այսօր իրենց խաբված են զգում:
«Պատկերն ակնհայտ է․ ժողովրդի ճնշող մեծամասնությունն այս ռեժիմին մերժում է, նրանք շատ լավ հասկանում են, որ իշխանությունը անգամ տարրական սոցիալական հարցեր չի լուծել, էլ չեմ ասում՝ անվտանգայինը: Ամեն օր նոր պրոբլեմներ են ի հայտ գալիս: Մարդիկ շատ լավ հասկանում են՝ եթե ՔՊ-ն վերընտրվեց, ավելի մեծ կորուստներ ենք ունենալու», – ընդգծեց Դանիելյանը։
Պատգամավորը նշեց նաև, որ իշխանությունը հասարակության շրջանում վախի մթնոլորտ է ստեղծել, մարդիկ վախենում են դիրքորոշում հայտնել:
«Մի քանի օր է՝ Տավուշում էի, ակնհայտ վախի մթնոլորտ կար, մարդիկ իրենց քաղաքական հայացքները փորձում են ցույց չտալ, շատ զգուշավոր են որ իրենց հետևից չգնան: Վախի մթնոլորտն առաջինը պիտի կոտրենք, մեծ ուժերը պետք է առաջնորդություն ստանձնեն, իսկ փոքր ուժերը կամ պետք է իրար հետ միավորվեն, կամ միանան մեծերին»:
Հասմիկ Կիրակոսյան
Հետևեք մեզ Viber-ում
