Վենեսուելայի նախագահի պաշտոնակատարի հետ կարող է ավելի վատ բան պատահել, քան Մադուրոյի հետ եղավ․ Թրամփ
ԱՄՆ նախագահ Դոնալդ Թրամփը հայտարարել է, որ Վենեսուելայի գործող նախագահ Դելսի Ռոդրիգեսը կարող է ավելի վատ ճակատագրի հանդիպել, քան Վենեսուելայի առաջնորդ Նիկոլաս Մադուրոն, ով առևանգվել էր ԱՄՆ գործողության ժամանակ։
Լրագրողները խնդրել են նրան պարզաբանել իր այն հայտարարությունը, որ եթե Վենեսուելայի գործող նախագահի գործողությունները դժգոհեցնեն ԱՄՆ-ին, նա կբախվի Մադուրոյի նման ճակատագրի, կամ նույնիսկ ավելի վատի։ «Ավելի վատ, շատ ավելի վատ», – ՏԱՍՍ-ի փոխանցմամբ ասել է Թրամփը իր ինքնաթիռում՝ Ֆլորիդա նահանգի Ուեսթ Պալմ Բիչից Վաշինգտոն մեկնելիս։
«Ես պարտավոր չեմ դա ձեզ ասել։ Ես պարզապես ասում եմ, որ նա կբախվի մի իրավիճակի, որը, հնարավոր է, ավելի վատ է, քան Մադուրոյի դեպքում», – ասել է Սպիտակ տան ղեկավարը։
Հետևեք մեզ Viber-ում
