Սրանց սրբապղծությունը սահմաններ չի ճանաչում... այ սատանայակերպներ, դրանից ի՞նչ եք ստանալու

Սրանց սրբապղծությունը սահմաններ չի ճանաչում...կին կլինի, անչափահաս կլինի, հիվանդ ու տարեց մարդ կլինի, անմեղ անձ կլինի, բարերար կլինի, կամ իրենց աջակցած անձ կլինի` սրանց համար ոչ մի նշանակություն չունի: Ոչ մի սրբություն, ոչ մի կարմիր գիծ...
Ասես, այ սատանայակերպներ, ինչի՞ եք Ամանորից 2 օր առաջ Խաչիկ Գալստյանի նման պարկեշտ, օրինավոր, հայրենասեր տղուն, քաղաքագիտության դոկտոր մարդուն տանում բերդ...դրանից ի՞նչ եք ստանալու, ո՞րն է սենց ափալ թափալ մարդուն կալանավորելու հիմքը: Եթե իրոք Վաղարշապատի ընտրությունների պատճառով եք վարույթ հարուցել, որտեղ «Հայրենիք» կուսակցության թեկնածուն` Խաչիկ Մանուկյանը պարտվել է, ի՞նչ հանրային անհրաժեշտությամբ եք առաջնորդվել, ինչո՞վ է կալանքը պարտադիր, ի՞նչ եք դրել հերթական քաղաքական մեղադրանքի հիմքում:
Անգամ Ալիևը նոր տարվա շեմին համաներում է անում, սրանք փոխանակ բերդերը թեթևացնեն, անիմաստ կալանք կրողներին ազատեն, որ մարդիկ գնան իրենց ընտանիքներին ու ընկերներին հասնեն, նոր մարդ են բռնում...լավ, էսքան չարությունն ու նենգությունը ո՞նց կարող է մի մարդու մեջ տեղավորվել...կատարողների մեջ էլ էդքան ստրուկը նստած լինել...
Իսկ դուք զարմանում եք էդ սատանիստական խրախճանքից, էդ բարբարոսական ցքցքոցից, ոմանք էլ ամոթանք են տալիս, նրբանկատության կոչեր են անում, հիշեցնում, թե քանի որդեկորույս ընտանիք կա երկրում, քանի տուն է հոսանքից զրկված, քանի թոշակառու է կիսասոված...
Ամոթ է սրանց դեպքում ամոթից ու պարկեշտությունից խոսելը...ինչ որ մարդկային, պետականամետ քայլ սրանցից ակնկալելը...

Արմինե Օհանյան 

Հրապարակ Օրաթերթ