«Իշխանության» տեղեկություններով Նավասարդ Կճոյանի հանձնարարականով Արարատյան հայրապետական թեմից հեռացվել է Անուշ Վարդանյանը, ով պատարագի ընթացքում հնչեցրել է Ամենայն հայոց կաթողիկոսի անունը։
Անուշ Վարդանյանը հանդիսանում էր Արարատյան հայրապետական թեմի ծրագրերի համակարգողը և «Արարատ» միության ատենապետը։ Նա Կճոյանի ուշադրության կենտրոնում է հայտնվել Սուրբ Սարգիս եկեղեցում Նիկոլ Փաշինյանի մասնակցությամբ մատուցված պատարագից հետո, երբ մի խումբ երիտասարդների հետ հնչեցրել է կաթողիկոսի անունը։
Ավելի ուշ, տեղեկանալով, որ Անուշ Վարդանյանը միացել է «Մեր ձևով» շարժմանը, Նավասարդ Կճոյանը հրահանգել է նրան հեռացնել թեմից։
Տեղեկությունը մեզ հետ զրույցում հաստատեց նաև Անուշը՝ նշելով, որ իր համար առնվազն անսպասելի էր Կճոյանի որոշումը, քանի որ թեմում ծառայել է 13 տարի և երկարամյա ու նվիրված ծառայության համար հենց Նավասարդ Կճոյանի ձեռամբ ստացել է օրհնության գիր։
«Ես անհաշտ եմ եղել Ամենայն հայոց կաթողիկոսի դեմ սկսված արշավի հետ, որի ուղիղ մասնակիցն է նաև Նավասարդ Սրբազանը։ Տարիներ շարունակ ծառայելով թեմում՝ նրա նկատմամբ ունեցել եմ հարգանք և հիացմունք, և ինձ համար շոկային էր նրա քայլը կաթողիկոսի դեմ, առավել ևս երբ այն, իմ համոզմամբ, ուղղորդվում է Նիկոլ Փաշինյանի կողմից», — ասաց Անուշ Վարդանյանը։
Դեկտեմբերի 29-ին՝ ժամը 15։00-ին, Հայելի ակումբի հյուրն է Նարինե Դիլբարյանը
Դեկտեմբերի 29-ին՝ ժամը 12։00-ին, Հայելի ակումբի հյուրն է Խաչիկ Մանուկյանը
Դեկտեմբերի 29-ին՝ ժամը 13։00-ին, Հայելի ակումբի հյուրն է Հայկ Նահապետյան
Դեկտեմբերի 26-ին՝ ժամը 16։30-ին, Հայելի ակումբի հյուրն է Պարույր Հայրիկյանը
Դեկտեմբերի 26-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 26-ին՝ ժամը 12։00-ին, Հայելի ակումբի հյուրն է Դավիթ Ջամալյանը
Դեկտեմբերի 26-ին՝ ժամը 13։00-ին, Հայելի ակումբի հյուրն է Ալբերտ Բազեյանը
Դեկտեմբերի 26-ին՝ ժամը 16։00-ին, Հայելի ակումբի հյուրն է Կարապետ Պողոսյանը
Դեկտեմբերի 25-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Դեկտեմբերի 25-ին՝ ժամը 15։00-ին, Հայելի ակումբի հյուրն է Ռուզան Ստեփանյանը