Հանրությանն ամենից շատ կարող են համախմբել Միքայել Սրբազանը, Վեհափառը, Ծառուկյանը, Սամվել Կարապետյանը. GALLUP

Ըստ հարցման արդյունքների՝ հանրությանն ամենից շատ կարող են համախմբել Միքայել Սրբազանը, Վեհափառը, Գագիկ Ծառուկյանը, Սամվել Կարապետյանը։ Այս մասին, այսօր՝ դեկտեմբերի 29–ին, մամուլի ասուլիսում նշեց Այս մասին ասուլիսի ընթացքում ասել է «GALLUP International Association»-ի Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանը՝ ներկայացնելով վերջին հարցման արդյունքները։

Հարցման մեջ ներառված հարցերից մեկը գործիչներից յուրաքանչյուրի հասարակության հոգևոր և հասարակական առողջացմանն ու միասնությանը առաջնորդել կարողանալու հավակնություն հարցն է: Այս առումով ամենաբարձր ցուցանիշը գրանցել է Միքայել արքեպիսկոպոս Աջապահյանը՝ 7.2 բալով: Երկրորդ տեղում ըստ ձայների՝ Ամենայն Հայոց Կաթողիկոս Գարեգին Բ-ն է՝ 5.7 բալով:

Այնուհետև ըստ հերթականության՝ «Բարգավաճ Հայաստան» կուսակցության նախագահ Գագիկ Ծառուկյանը՝ 5.5 բալ, «Մեր ձևով» շարժման առաջնորդ Սամվել Կարապետյանը՝ 5.1, ՀՀ վարչապետ Նիկոլ Փաշինյանը՝ 4.7, Բագրատ արքեպիսկոպոս Գալստանյանը՝ 4.5, ՀՀ երկրորդ նախագահ Ռոբերտ Քոչարյանը՝ 3.4, ՀՀ նախագահ Վահագն Խաչատրյանը՝ 3.3, ՀՀ երրորդ նախագահ Սերժ Սարգսյանը՝ 2.9, և «Ժառանգություն» կուսակցության առաջնորդ Րաֆֆի Հովհաննիսյան՝ 2.8 բալ:

Ամենացածր ցուցանիշը գրանցվել է ՀՀ առաջին նախագահ Լևոն Տեր-Պետրոսյանի դեպքում՝ 2.4 բալով:

Ըստ արդյունքների՝ քաղաքացիների կարծիքով, հանրությանն ամենից շատ կարող են համախմբել Միքայել Սրբազանը, Վեհափառը, Կարապետյանը: