Սուրենյանը հունվար ամսվա մասին

Հունվարի օդի ամսական միջին ջերմաստիճանը կանխատեսվում է 1-2 աստիճանով կլիմայական նորմայից բարձր, տեղումների քանակը՝ նորմայի սահմաններում, այսինքն՝ մեզ սպասում է նորմայից մի փոքր տաք և բավարար տեղումներով հունվար: Այդ մասին, այսօր՝ դեկտեմբերի 29–ին, մամուլի ասուլիսի ժամանակ ասաց Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը:

Նրա խոսքով, հունվարի առաջին տասնօրյակում՝ հատկապես հունվարի 3-4-ն ընկած ժամանակահատվածում, մեր երկիրը հիմնականում արկտիկական ցուրտ օդային հոսանքների ազդեցության գոտում կլինի: Այս օրերի համեմատությամբ օդի ջերմաստիճանը երկրի ամբողջ տարածքում կնվազի 8-10 աստիճանով:

Հունվարի առաջին տասնօրյակում, ըստ Սուրենյանի, գիշերային ժամերին ջերմաստիճանն ամենաշատը կնվազի երկու մարզում՝ Շիրակում և Գեղարքունիքում, որտեղ ջերմաստիճանը կնվազի մինչև -25... -30 աստիճանի, իսկ Երևանում հունվարի առաջին տասնօրյակին՝ գիշերային ժամերին, կանխատեսվում է -15... -17 աստիճան ցուրտ:

«Ինչպես նշեցի, առաջին տասնօրյակից սկսած գերակշռող կդառնան հարավ-արևմտյան արևադարձային տակօդային հոսանքները, որոնց ներթափացման դեպքում ցերեկային ժամերին կարձանագրենք հետևյալ առավելագույն ջերմաստիճանները: Այսպիսով, Շիրակ +2 +5, Կոտայքի լեռնային գոտիներ +2-ից +5, Կոտայքի նախալեռնային հատվածներ +4-ից +7, Գեղարքունիք +2-ից +6, Լոռիում +10-ից +13 աստիճան, Տավուշի նախալեռնային հատվածներում +12-ից 15 աստիճան։ Տաք կլինի Տավուշի հովիտներում +13-ից 16 աստիճան, Արագածոտնի լեռնային գոտիներում ջերմաստիճանը կհասնի +1-ից +4 աստիճանի, նախալեռնային հատվածներում +4-ից +7, Արարատի նախալեռներում +4-ից +8, Արարատի ցածրալիր գոտում այդ թվում նաև Արմավիրում +5-ից +9, Վայոցձորի լեռնային գոտիներում սպասվում է մինչև +3-ից +6, Վայոցձորի նախալեռներում +6-10, Սյունիքի լեռնային շրջաններում +2-15, նախալեռնային հատվածներում +10 +14 և օդային գոտում +12, +16:

Երևանում առավելագույն ջերմաստիճանը հունվարի երկրորդ և երրորդ տասնյակին կարող է հասնել մինչև +7, +9 աստիճան»–ասաց Սուրենյանը։