Ձերբակալել են մանկասպան դայակի որդուն

Ուզբեկստանի իրավապահ մարմինները Մոսկվայում երեխայի սպանությունից անմիջապես հետո ձերբակալել են կասկածյալի՝ Գյուլչեհրա Բոբոկուլովայի ավագ որդուն՝ 19-ամյա Ռահմաթիլլոյին, որն ավելի վաղ ապրել է Ռուսաստանի մայրաքաղաքում, նոյեմբերի վերջին վերադարձել է Ուզբեկստան: Այս մասին gazeta.ru-ին պատմել է դայակի հայրը՝ Բահրեթդին Տուրաևը: «Ռահմաթիլլոն Մոսկվայից եկել է նոյեմբերի վերջին և այնտեղ վերադառնալ չէր պատրաստվում: Նրան ձերբակալել են երկուշաբթի երեկոյան, ինչ-որ տեղ տարան, մենք չգիտենք՝ որտեղ է նա և ինչ է կատարվում նրա հետ, մեզ ոչինչ չեն ասում»,- ասել է նա: Ռուսաստանում Ռահմաթիլլոն աշխատել է մայրաքաղաքի շուկաներից մեկում՝ նշել է Տուրաևը: Բոբոկուլովան 3 որդի ունի: Ռահմաթիլլոն ապրել է նրա առաջին ամուսնու հետ. երբ 2002թ. նա հայտնվել է հոգեբուժարանում, ամուսինը նրանից ամուսնալուծվել է և վերցրել երեխային՝ նշել է Տուրաևը: Երկրորդ որդին 18 տարեկան է, նա սովորում է զբոսաշրջային քոլեջում: Բոբոկուլովան նրան մեկուկես տարի է պահել: Երրորդ տղան, որը 2000 թվականին է ծնվել, ապրում է Բոբոկուլովայի հոր ընտանիքի հետ Սամարղանդում, պատրաստվում է դպրոցն ավարտելուց հետո տեխնիկում ընդունվել: