Նախ պետք է տեսնեմ իմ աչքի գերանը, նոր՝ նրանց փուշը. Շարմազանով

«Կոռեկտ չեմ  համարի, եթե գնատական տամ նախորդ ու այս գումարումների խորհրդարանական ընդդիմությանը: Ես կարող եմ ասել, որ և նախկինում ենք ունեցել հայրենասեր, կառուցողական, աշխատող ընդդիմադիր խմբակցություններ, և այսօր: Ես հարգանք ունեմ իմ նախկին ու ներկա ընդդիմադիր գործընկերների նկատմամբ, միշտ չէ, որ նրանց գործունեությունը հրաշալի է թվում ինձ, բայց նրանք մեր ցանկություններն իրականացնելու համար չեն այնտեղ, միգուցե, բախվում ենք մտքերով, ելույթներով, բայց դա նորմալ է, հակառակն աննորմալ կլիներ», - այսօր լրագրողների հետ հանդիպմանը,ամփոփելով անցնող տարին,հայտարարեց Ազգային ժողովի փոխնախագահ, ՀՀԿ մամուլի խոսնակ Էդուարդ Շարմազանովը «Նորմալ են   այն գաղափարական բախումները, որ կան պառլամենտում: Սա է պառլամենտարիզմը, այնպես չէ, որ մենք իդեալական ենք, որ ես էլ գնահատեմ ընդդիմությանը, նախ պետք է տեսնեմ իմ աչքի գերանը, նոր՝ նրանց փուշը», - նշեց   Շարմազանովը: «Աստված իրենց խաղաղության, սիրո, բարեկեցության մեջ պահի, ծառայենք ՀՀ-ին երկուսով միասին՝ չնայած կարող է լինել մոտեցումների տարբերություն: Մեր երկիրն աշխարհի ամենալավ երկիրն է, պետք է աշխատենք, չարչարվենք, արարենք այստեղ», -Էդուարդ Շարմազանովը   շնորհավորեց ընդդիմությանը գալիք տոների կապակցությամբ: «Ընդմիջումների հարցը կպահենք, կանոնակարգը պետք է քննարկվի, այսինքն՝ հակասական կետերը պետք է քննարկվեն, այդ թվում, ընդդիմության հետ միասին, խորհրդարանը միայն իշխանությանն արտահայտվելու վայրը չէ, ձայնը լռեցնելն այնտեղ լավ բանի չի հանգեցնելու»,ասաց նա: