ինչո՞ւ է բնակարան ստանում ժողովրդական արտիստը, եթե երկրում 1 միլիոն աղքատ մարդ կա.«Երկիր ծիրանի»
Երեւանի ավագանու հերթական նիստին «Երկիր ծիրանի» խմբակցության անդամները իրենց հետ բարձրախոս և ժամանակ պահելու սարք էին բերել: Ավագանու երկու անդամ ապօրինի են մասնակցում նիստերին ,հայտարերեց խմբակցության անդամ Սոնա Աղեկյանը:Նա մատնանշեց «Երկիր ծիրանի» խմբակցությունից հեռացածներին: Սոնա Աղեկյանը Երեւանի քաղաքապետ Տարոն Մարգարյանից պահանջեց, որպեսզի վաղաժամ դադարեցնի ավագանու անդամներ Մնացական Պարակշիեւի եւ Հայկ Պետրոսյանի լիազորությունները: «Երկիր ծիրանի» խմբակցության երեք անդամները դեմ քվեարկեցին ավագանու նիստի օրակարգին: Երեւանի ավագանին որոշում կայացրեց բնակարան նվիրել ՀՀ ժողովրդական արտիստ Ռաիսա Մկրտչյանին: Մինչեւ հարցը քննարկման դնելը, ավագանու «Երկիր ծիրանի» խմբակցության անդամ Սոնա Աղեկյանը հետաքրքրվեց՝ ինչո՞ւ է բնակարան ստանում ժողովրդական արտիստը, եթե երկրում 1 միլիոն աղքատ մարդ կա: «Այդ 1 միլիոն աղքատ մարդն էլ հաստատ բնակարանի կարիք ունի, ինչու՞ նրանց էլ չի տրվում, թե պատճառն այն է, որ նրանք արյունոտ ձեռքերով մարդկանց ծառայություն չեն մատուցել»,-հարցրեց նա:
Հետևեք մեզ Viber-ում
